منتدى نور الحياة
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك

شكرا
منتدى نور الحياة

اخبار . رياضة . فن .فيديو. طب. برامج. موضة. طفل. حوادث. بحث. فيس .بوك . تويتر. يوتيوب. جوجل . ادنس. ربح .نت .افلام . ترانيم . مسرحيات. عظات
 
البوابةالبوابة  اليوميةاليومية  الرئيسيةالرئيسية  مكتبة الصورمكتبة الصور  س .و .جس .و .ج  المجموعاتالمجموعات  التسجيلالتسجيل  دخولدخول  

شاطر | 
 

 «رصاصة بالقلب» كانت فى انتظاره

اذهب الى الأسفل 
كاتب الموضوعرسالة
وردة المنتدى
مديرة الموقع
مديرة الموقع
avatar

عدد المساهمات : 10279
نقاط : 24998
السٌّمعَة : 213
تاريخ التسجيل : 24/07/2012
الدولة : مصر

مُساهمةموضوع: «رصاصة بالقلب» كانت فى انتظاره   الأحد مارس 30, 2014 2:45 pm

جلباب «كريم» مثقوب بالرصاص
ليس له علاقة بما كان يدور أسفل منزله فى منطقة عين شمس كل جمعة، لكن فى هذا اليوم قادته الصدفة أن يجد نفسه وسط الأحداث والاشتباكات، حينما خرج من أحد المساجد بعد صلاة الجمعة وفوجئ بالاشتباكات التى اندلعت بين بعض من أنصار الإخوان المسلمين الذين يخرجون فى مسيرات أسبوعية من المكان نفسه، وبين أهالى منطقة عين شمس فى شارع العطار، لم يعلم «كريم» أنه ستباغته طلقة رصاص حى تستقر فى قلبه وتودى بحياته غدراً وهو لم يشارك يوماً فى مظاهرات أو وقفات ولم يكن مؤيداً لأحد ورافضاً لآخر.
جلباب «كريم» ذى اللون الكاكى هو الشاهد على طلقة الرصاص، يوجد به ثقب غائر نافذ إلى الجسم كان يحمله زملاؤه معهم وهم يجلسون أمام مشرحة زينهم فى انتظار تصريح الدفن، يقول محمد محمود سلامة، شقيق «كريم»: «كان خارج من المسجد وشاهد الاشتباكات، حاول أن يوقف الناس سواء الإخوان أو أهل المنطقة، لكن اتصاب برصاصة فى قلبه وسقط وقال الشهادة قبل ما يموت».
«كريم» طالب معهد السياحة والفنادق الذى أكمل عامه الثامن عشر كان شاباً مسالماً وليس له علاقة بالسياسة، حسب رواية شقيقه «محمد»: «كان بعيد عن السياسة واللى بيحصل فى البلد واحنا بيتنا وأبويا واخواتى ملهمش فى السياسة ولم نؤيد السيسى ولا مرسى، إحنا فى حالنا كل اللى اتمنناه إننا نعيش فى سلام».

يجلس الرجل الستينى بجوار باب مشرحة زينهم ينتظر تصريح دفن ابنه، يقول الحاج محمود سلامة والد كريم: كنت فى الشغل كلمونا من مستشفى منشية البكرى وقالوا لى تعالى عشان ابنك ربنا توفاه، الحمد لله ابنى كان بيخاف ربنا وملوش ميول فى أى حاجة فى السياسة لا مع ولا ضد حد، كان فى دراسته فى السياحة والفنادق بس، ابنى اتضرب قدام البيت بعد الصلاة ومات وهو واقف قدام الناس كلها.
يصمت الرجل قليلاً ويكمل وعينه تفيض بالدموع: ابنى حقه عند ربنا أولاً واللى مبيضيعش حقوق، وثانياً حقه عند الحكومة ولازم الحكومة تجيب حق ابنى الشاب اللى ملوش علاقة بحد. يستكمل الرجل: كريم ابنى كان بيحب الناس كلها والناس كلها كانت بتحبه، الجلابية بتاعته شاهدة على موته لأن خرم الرصاصة فى صدره الشمال.
يشير الرجل الذى خط الشيب فى رأسه أن كل أسبوع كان يحدث اشتباكات ومظاهرات فى عين شمس لكنها كانت بعيدة عن المنطقة التى يسكن فيها، ويضيف: «المرة دى جت الاشتباكات لحد عندنا ودخل الإخوان المنطقة ومكنش فيه أمن يحمى الناس والشباب اللى اتصابوا ويحمى ابنى من الموت، المفروض كل أسبوع يكون فيه تأمين لمنطقة عين شمس من وزارة الداخلية ومن الأمن، عايزين نعيش بس مش أكتر من كده».

مصطفى جابر، أحد أصدقاء القتيل: كريم كان «مسالم» والناس كلها كانت بتحبه لأنه محترم، كريم كان نفسه البلد حالها يتصلح وتبقى كويس. ويضيف جابر: كل جمعة بيكون فيه إرهاب من الإخوان وناس من أهل المنطقة بتموت واحنا مفيش حد بيحمينا.
يوم ما كريم مات كان فيه ضرب نار من الإخوان، كان فيه ناس بتضرب بالآلى وكان معهم قنابل يدوية مصنعينها بإيديهم، ولما حصل اشتباك بين الأهالى والإخوان عشان فيه واحد «نكشهم» من أهل المنطقة، فقاموا ضربوا نار واشتبكوا مع الناس، كان كريم وقتها خارج من المسجد وفى إيده مصلية، مات بالطلقة وهو متوضئ وربنا يرحمه ويكتبه من الشهداء. ويضيف: كل اللى بييجى المنطقة عندنا مش من عين شمس من مناطق تانية احنا عارفين اللى مننا وعارفين أهل المنطقة ومفيش حد من عين شمس، اللى من الخصوص واللى من عزبة النخل، ومعاهم سلاح كتير.
الرجوع الى أعلى الصفحة اذهب الى الأسفل
عصام بكار
عضو مميز
عضو مميز
avatar


عدد المساهمات : 10884
نقاط : 15827
السٌّمعَة : 0
تاريخ التسجيل : 26/03/2014
العمر : 18

مُساهمةموضوع: رد: «رصاصة بالقلب» كانت فى انتظاره   الأحد مارس 30, 2014 2:47 pm

الاخوان ارهابيون
الرجوع الى أعلى الصفحة اذهب الى الأسفل
 
«رصاصة بالقلب» كانت فى انتظاره
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى نور الحياة  :: منتديات الاخبار والصحافة - Forum News and Press :: الاخبار العامة-
انتقل الى: