منتدى نور الحياة
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك

شكرا

منتدى نور الحياة

اخبار . رياضة . فن .فيديو. طب. برامج. موضة. طفل. حوادث. بحث. فيس .بوك . تويتر. يوتيوب. جوجل . ادنس. ربح .نت .افلام . ترانيم . مسرحيات. عظات
 
البوابةاليوميةالرئيسيةمكتبة الصورس .و .جالمجموعاتالتسجيلدخول

شاطر | 
 

 نصائح مطبخية . نصائح مطبخية خطيرة . نصائح مطبخية مفيدة

اذهب الى الأسفل 
كاتب الموضوعرسالة
علا المصرى
مشرفة
مشرفة
avatar

عدد المساهمات : 18120
نقاط : 25330
السٌّمعَة : 3
تاريخ التسجيل : 01/05/2014
العمر : 24

مُساهمةموضوع: نصائح مطبخية . نصائح مطبخية خطيرة . نصائح مطبخية مفيدة   الأربعاء يونيو 04, 2014 2:49 pm

نصائح مطبخية . نصائح مطبخية خطيرة . نصائح مطبخية مفيدة





تنظيف أدوات المطبخ...


أكيد الكلمة دي عاملة زي العفريت لأي بنت، أول ما تسمع مامتها تقول لها يلا على المطبخ علشان أنت اللي هتنظفي أدوات المطبخ النهارده تلاقيها اترعبت كأنها رايحة للعفريت برجليها!!!!


وده لأن أكيد فيه مشاكل بتقابلها وهي بتنظف أدوات المطبخ زي مثلا بواقي أكل لزقت في الحلل ومش عايزة تتحرك من مكانها!!


دهون على الأطباق مش عايزة تطلع!!


الكوبايات مش عايزة تلمع بالرغم من أنها غسلتها أكتر من مرة!!


بصراحة عندها حق تخاف وتكره اليوم اللي بتدخل فيه المطبخ..


وعلشان كده قررنا النهارده
أننا ندخل معاكي المطبخ


ونشوف ازاي ممكن نصرف أي عفريت ممكن يقابلك
وكل حاجة تبقى نظيفة وبتلمع من غير وقت أو جهد
وكمان هنعرف ازاي ننضف المطبخ ونخلي ريحته حلوة..


يلا بينا مع بعض

نصائح مطبخية . نصائح مطبخية خطيرة . نصائح مطبخية مفيدة






العفريت الأول
البوتوجاز كله دهون مش عايزة تطلع






نصائح مطبخية . نصائح مطبخية خطيرة . نصائح مطبخية مفيدة


أول عفريت ممكن يقابلك وأنت بتنظفي أدوات المطبخ هو البوتوجاز هو صحيح عفريت كبير شوية بس تنظفيه سهل جدا لو عملتي اللي هقولك عليه..


شوفي يا قمر لو عايزة تتخلصي من أي آثار للدهون اللي موجودة على البوتوجاز نتيجة القلي والتحمير يبقى هاتي إسفنجة فيها مسحوق غسيل وامسحي البوتوجاز بيها وبعد كده امسحيه بإسفنجة مبللة بالميه وبكده يبقى البوتوجاز نظيف من غير أي مجهود ولو عايزة زيادة في اللمعان يبقى امسحيه بورق جرائد مبلل بالميه...


دي كانت طريقة، فيه طريقة تانية ودي ممكن تلجئي إليها لو كان البوتوجاز اللي عندك فيه دهون ناشفة ومش عايزة تطلع يبقى ضعي على الدهون دي خليط مكون من نص كوباية ميه + نص كوباية أي مسحوق تنظيف عندك وسيبيه عليه لمدة ساعة وبعد كده ابدئي في تنظيف البوتوجاز بنفس الطريقة السابقة.

نصائح مطبخية . نصائح مطبخية خطيرة . نصائح مطبخية مفيدة






العفريت الثاني
الحلة الألمونيا اسودت




من المشاكل اللي ممكن تقابلك وتبقي مش عارفة تعملي معاها إيه مشكلة إن الحلة يكون فيها سواد في القاع وعلشان تتخلصي من المشكلة دي يبقى افركي السواد ده بشوية ملح خشن وليمون وبعد كده اشطفيها كويس واغسليها بالصابون وفرشاة خشنة وبعد كده اشطفيها كويس بالميه وهتشوفي الفرق بنفسك هتلاقي الحلة رجعت جديدة.



نصائح مطبخية . نصائح مطبخية خطيرة . نصائح مطبخية مفيدة







العفريت الثالث
ريحة اللحمة لسه في المفرمة



ساعات كتير لما تيجي تفرمي لحمة في المفرمة ريحة اللحمة بتفضل موجودة فيها ومهما تحاولي تغسليها بمساحيق ليها ريحة حلوة إلا إن ريحة اللحمة بتفضل موجودة برضه.. نفس الموضوع ده بيتكرر لما تيجي تطحني بهارات ريحة البهارات برضه بتلزق هي كمان...


وعلشان تتخلصي من المشكلة دي نهائي يبقى هاتي عيش محمص واطحنية في المطحنة أو المفرمة وبعد كده اغسليها بنفسك وأوعدك إنك مش هتلاقي أي آثار لريحة الحاجة اللي اتطحنت لأن العيش هيمتص أي ريحة.

نصائح مطبخية . نصائح مطبخية خطيرة . نصائح مطبخية مفيدة







العفريت الرابع
الأطباق والكوبايات الزجاجية مش بتلمع




من ضمن المشاكل اللي ممكن تقابلك مشكلة إن الكوبايات والأطباق مش بتلمع بالرغم من إنك غسلتيها أكتر من مرة بمسحوق غسيل فيه مادة ملمعة لكن مفيش فايدة!!!


وعلشان تتخصلي من المشكلة دي يبقى بعد ما تغسليها بالصابون حطيها في طبق فيه ميه فاترة مذاب فيها ملح وسيبيها لمدة ساعة وبعد كده اشطفيها كويس قوي وسيبيها على ترابيزة المطبخ علشان تنشف في الهواء من نفسها واوعي تنشفيها بفوطة المطبخ لأنها هتخليها تفقد لمعانها.


أما بالنسبة للأكواب الكريستال فاشطفيها بميه فاترة مضاف إليها قطرات من الكحول الأبيض وسيبيها لغاية ما تنشف من نفسها.

نصائح مطبخية . نصائح مطبخية خطيرة . نصائح مطبخية مفيدة







العفريت الخامس
الدهون لازقة في الخلاط


نصائح مطبخية . نصائح مطبخية خطيرة . نصائح مطبخية مفيدة


ساعات كتير بتستخدمي الخلاط علشان تضربي فيه خليط فيه دهون بس للأسف الشديد ساعات الخليط ده بيلزق فيه وبتبقي مش عارفة تطلعيه ازاي...


وعلشان تحلي المشكلة دي يبقى حطي في الخلاط شوية ملح +قشر ليمون +كوباية ميه سخنة واقفلي الخلاط ورجي الخليط ده جواه أكتر من مرة كويس وبعد كده اغسليه زي ما أنت عايزة وهتشوفي الفرق بنفسك.

نصائح مطبخية . نصائح مطبخية خطيرة . نصائح مطبخية مفيدة







العفريت السادس
أدوات المائدة "المعالق والسكاكين والشوك"
مش عايزة تلمع



علشان تلمعي السكاكين والمعالق وأدوات المائده غير الفضية يبقى دوبي شوية مسحوق غسيل في لتر ماء + عصير ليمونة وحطيه على نار هادية مع المعالق اللي أنت عايزة تنظفيها وسيبيه لغاية ما يغلي لمدة ربع ساعة...وبعد كده سيبيه لغاية ما يبرد وبعد كده اشطفي المعالق أو السكاكين بالميه وسيبيهم لغاية ما ينشفوا في الهواء وبلاش تنشفيهم بفوطة وهتلاقيهم بقوا يلمعوا كأنك لسه جايباهم.

نصائح مطبخية . نصائح مطبخية خطيرة . نصائح مطبخية مفيدة







العفريت السابع
رائحة البصل لازقة على لوح التقطيع



علشان تتخلصي من رائحة البصل والثوم والسمك وغيرها من الروائح اللي ممكن تكون موجودة على لوح التقطيع يبقى ادعكي لوح التقطيع بنصف ليمونة أو حطي عليه طبقة معجون عبارة عن "كوباية ميه + بيكربونات الصودا "وسيبيهم لمدة ساعة وبعد كده اغسليه كويس بالصابون والمية.

نصائح مطبخية . نصائح مطبخية خطيرة . نصائح مطبخية مفيدة






العفريت الثامن
سيراميك المطبخ مش عايز يلمع


علشان تلمعي سيراميك المطبخ سواء سيراميك الجدران أو الأرض يبقى دوبي فنجان خل أبيض + عصير ليمون + ملعقة كحول نقي "موجود في الصيدليات" في ميه فاترة ولمعي بيه السيراميك وهتشوفي الفرق بنفسك.


ولو عايزة ريحة المطبخ تبقى حلوة بعد ما تخلصي يبقى ضيفي إلى مية المسح عصير 5 ليمونات وهتشمي الريحة بنفسك.

نصائح مطبخية . نصائح مطبخية خطيرة . نصائح مطبخية مفيدة







العفريت التاسع
إسفنجة الغسيل بقت مش نظيفة




بعد ما خلصتي غسيل كل حاجة لقيتي إن إسفنحة التنظيف شكلها زي ما يكون قديم ومش نظيفة ونفسك ترجعيها زي الأول يبقى انقعيها في مية سخنة مضاف إليها ملح خشن أو بيكربونات الصودا أو صابون الغسيل وبعد ساعة اغسليها كويس بالصابون والمية.

نصائح مطبخية . نصائح مطبخية خطيرة . نصائح مطبخية مفيدة







العفريت العاشر
بقايا الأكل والدهون سدت حوض المطبخ

ساعات كتير البلاعة الخاصة بالحوض ممكن تتسد نتيجة تجمع كمية كبيرة من بقايا الأكل عليها أو الدهون وعلشان تتغلبي على المشكلة دي يبقى هاتي كوباية كلور + كمية كبيرة من المية وضيفيها إليها وافتحي حنفية المية السخنة لمدة عشر دقائق وكل حاجة هترجع زي الأول وأحسن

نصائح مطبخية . نصائح مطبخية خطيرة . نصائح مطبخية مفيدة



الرجوع الى أعلى الصفحة اذهب الى الأسفل
بحب هذا المنتدى الرائع
عضو برونزى
عضو برونزى
avatar

عدد المساهمات : 224
نقاط : 2383
السٌّمعَة : 0
تاريخ التسجيل : 26/06/2012
العمر : 30

مُساهمةموضوع: رد: نصائح مطبخية . نصائح مطبخية خطيرة . نصائح مطبخية مفيدة   الأربعاء يونيو 04, 2014 2:59 pm

تسلم الايادى
على المواضيع الاكتر من رائعة
الرجوع الى أعلى الصفحة اذهب الى الأسفل
علا المصرى
مشرفة
مشرفة
avatar

عدد المساهمات : 18120
نقاط : 25330
السٌّمعَة : 3
تاريخ التسجيل : 01/05/2014
العمر : 24

مُساهمةموضوع: رد: نصائح مطبخية . نصائح مطبخية خطيرة . نصائح مطبخية مفيدة   الأربعاء يونيو 04, 2014 3:33 pm

الرجوع الى أعلى الصفحة اذهب الى الأسفل
محمد الفلكي
مرشح للاشراف
مرشح للاشراف


عدد المساهمات : 1225
نقاط : 3470
السٌّمعَة : 5
تاريخ التسجيل : 20/09/2013

مُساهمةموضوع: رد: نصائح مطبخية . نصائح مطبخية خطيرة . نصائح مطبخية مفيدة   الأربعاء يوليو 02, 2014 12:22 am

نشگر لگم حسن آلآنتقآء 
ونپآرگ لگم هذآ آلحضور آلمميز
أرق آلتحيآت آلعذپة وأطيپ آلأمنيآت آلعطرة 
ورمضان مبارك على الجميع
الرجوع الى أعلى الصفحة اذهب الى الأسفل
علا المصرى
مشرفة
مشرفة
avatar

عدد المساهمات : 18120
نقاط : 25330
السٌّمعَة : 3
تاريخ التسجيل : 01/05/2014
العمر : 24

مُساهمةموضوع: رد: نصائح مطبخية . نصائح مطبخية خطيرة . نصائح مطبخية مفيدة   الأربعاء يوليو 02, 2014 2:14 am

مرورك اسعدني وأضاء الصفحات عزيزى محمد

وكلماتك الجميله التي حملت اجمل المعاني بين السطور

كل الشكر والا متنان لشخصك
الرجوع الى أعلى الصفحة اذهب الى الأسفل
 
نصائح مطبخية . نصائح مطبخية خطيرة . نصائح مطبخية مفيدة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى نور الحياة  :: عالم الأسرة والمجتمع - Family and community world :: الأطباق الرئيسية والحلويات-
انتقل الى: