منتدى نور الحياة
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك

شكرا

منتدى نور الحياة

اخبار . رياضة . فن .فيديو. طب. برامج. موضة. طفل. حوادث. بحث. فيس .بوك . تويتر. يوتيوب. جوجل . ادنس. ربح .نت .افلام . ترانيم . مسرحيات. عظات
 
البوابةاليوميةالرئيسيةمكتبة الصورس .و .جالمجموعاتالتسجيلدخول

شاطر | 
 

 احذرى تعملي كده مع جوزك

اذهب الى الأسفل 
كاتب الموضوعرسالة
فاطمة الزهراء
مشرفة
مشرفة
avatar

عدد المساهمات : 2051
نقاط : 5599
السٌّمعَة : 20
تاريخ التسجيل : 02/04/2013
العمر : 26
الدولة : مصر

مُساهمةموضوع: احذرى تعملي كده مع جوزك   الثلاثاء أكتوبر 14, 2014 4:54 pm

لازم جوزك يدخل البيت يلاقيكى نضيفه
مش حأقلك متمكيجه وعامله تسريحه لا نضيفة .. اكيد فهمنى يعنى ايه

1- مش مثلا يدخل يلاقى شعرك كده



2- او رابطه ربطه .. ايه ياحجه .. ربطه شعرك ليه مكسوفه
ولا يمكن خايفه يكون حرام تعرى شعرك قدام جوزك ..
لا ياحجه ماتخافيش ده جوزك حلال يشوفك
شيلى ياختى الربطه شيلى .. وتقولوا همه بيحبوا يتفرجوا على هيفاء ليه
او نانسى عشان منعنشيين .. مش رابطه ربطه ومكشره وعامله 88 على وشها
ده اكيد بيشوفك يقول اعوذ بالله



3- ووشك عامل كده



فكى يختى شويه .. ده هوه مش ناقص .. قرفان والهم راكبه ..
تلاقى المدير او حد مطلع عينه .. يجى يلاقى وشك الكشر ده
فكيها شويه وتعالى على نفسك حتى لو متضايقه
أجلى شكوتك بعد ماياكل احسن
ولابسه هدوم ما عالم بيها الا ربنا .. ريحتها تخلى الواحد يرجع

ايه حرام .. ارحمو رجالتكم بقى .. وتشتكوا تقولوا طفشانين ومش بيبصوا فى وشنا ليه
يعينى ده الراجل طلع مظلوم الله يكون فى عونه

4- وصوتك عالى وبتزعقى للاولاد .. تلاقيه يخاف يقول السلام عليكم تبقى عامله كده

امنعى كل ده

تعالى اقولك تعملى ايه .
لان اول وهله زوجك يشوفك فيها نفسيته بتبقى مبسوطه جدا
حتى لو هموم الدنيا عليه
تعالى نبدا خطوه خطوه ايوه زى العنوان ما بيقول

طبعا لازم زوجك يشوفك
1-شعرك متسرح
2-وشك منور ومفرود
3-ريحتك حلوه
4-ابتساااامه عريضه
5-قبله على الخد لو فيه اولاد كبيره
6- هدومك نضيفه ومقبوله
7-ياحبذا لو استقبلتيه قبل ما يحط المفتاح انتى تفتحي له الباب

طبعا لازم صوتك يبقى هادى ورقيق جدا .. مش عامله البدع
وصوتك يبقى زى الدكر الراجل
يعد يلتفت حواليه يقول مين بيتكلم معانا حد غريب
ايه حيلك ياحجه اعمل كل ده امتى
وانا ببقى بطبخ ومحتاسه( اكيد قلتى كدا )

مش مشكلته انك موظفه بس حقه يرجع يلاقيكى نضيفه

اه منا كاتب موضوعى ده عشان كده
اوضة نومك بعيده عن مطبخك .. ليكى حلين

1- تسيبى اللى فى ايدك وتروحى تعملى الحاجات دى
مش حتاخد 10 دقايق والله ان ماكنش اقل وحتفتكرى كلمتى كمان

1- تسرحى شعرك وارفعيه بتوكه حلوه او باستيك ديل حصان
يعنى لو شعرك مجعد لازم يكون عندك طوق عشان الوجه العام

2-تغسلى وشك كويس بصابونه ريحه فى الحمام
طبعا مش فى اوضة النوم

3- ولو قدرتى انا مش بقول لازم لا ممكن شوية احمر خدود لعلمك
من غير الميكب بتحسى ان خدك احمر طبيعى
ويسلام لو خط كحل رفيع يبقى عظمه

3-تلبسى حاجه تكونى حطاهه على شماعه ومحضراها ومعطراها
تسلتيها وتلبسيها طبعا محضراها من امبارح وكونى حريصه قبل نومك تغيريها
كل يوم عشان يبقى فيه تجديد
اوعى تكسلى .. كل ده بتاخدى عليه ثواب بتعفى زوجك عن الحرام

بس عندى فكره لو مش فاضيه حضرى روب سواء صيفى او شتوى والبسيه فوق لبسك
وبكده تدارى الفضايح

ايه بقى لزمة عنوانى اقلك ياستى
اوضة نومك بعيده عنك عملت ايه فى شفونيره عندك فى الصاله حطي فى درج فيهم
مشطك وطوق مدلع كده وكم بنسه وازازة برفان وقلم كحل وصوبع روج واحمر خدود
وحطي حتة مرايه صغيره كده فى الباب بتاع الصاله عشان تشوفي نفسى
لان ولادك قروود .. كل ما تفتحي دولابك وتعملي حاجه ييجوا وراكي
وتكسلي .. المهم اعملي كده قبل ما جوزك ييجى
شدي الروب من على العلاقه والبسيه وشكلك بيبقى مرتب ونضيف
طبعا فى ستات مابتعرفش يميعاد مجى زوجها
فتبقى ملبوخه

تروقى بيتك على قد ماتقدرى ويكون منظم وهادى مش مفتح والدبان داخل طالع
طب هوه يرتاح فين واوضة نومه تكون 10 على 10
سريره متروق ومتوضب ويسلام لو فوطته تكونى حطتيها فى الشمس تتشمس
وتكون جاهزه .. مش يقعد يقول فين الفوطه ويزعق ويلاقيها مبلوله
مطرح ما نشف فيها قبل مايمشى

فكره اخرى
اشترى زجاجة عطر جوى وحطيها فى اقرب حته جمب الباب
وبخى بخه قبل مايدخل او ولعى بخور
لعلمك كل ده بيحس بيه وبيحس انك بدورى على راحته

فى الصيف
تحضرى كوب عصير محبب ليه حتى ليمون وتدهوله فى ايده بعد مايقلع هدومه
اتفضل ياروحى .. مش خد وتشخطى ده حتى نفسه تتسد
الرجوع الى أعلى الصفحة اذهب الى الأسفل
Admin
Admin
Admin
avatar

عدد المساهمات : 9157
نقاط : 19685
السٌّمعَة : 592
تاريخ التسجيل : 08/06/2012

مُساهمةموضوع: رد: احذرى تعملي كده مع جوزك   الثلاثاء أكتوبر 14, 2014 5:15 pm

تسلم الايادى طرح مميز
الرجوع الى أعلى الصفحة اذهب الى الأسفل
http://www.alnor57.com
فاطمة الزهراء
مشرفة
مشرفة
avatar

عدد المساهمات : 2051
نقاط : 5599
السٌّمعَة : 20
تاريخ التسجيل : 02/04/2013
العمر : 26
الدولة : مصر

مُساهمةموضوع: رد: احذرى تعملي كده مع جوزك   الأحد أكتوبر 19, 2014 11:00 am

مرورك تاج على راسى
الرجوع الى أعلى الصفحة اذهب الى الأسفل
 
احذرى تعملي كده مع جوزك
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى نور الحياة  :: عالم الأسرة والمجتمع - Family and community world :: الحياة الزوجية - للمتزوجين فقط-
انتقل الى: